Хаклӑран та хаклӑ эс, Çӗршывӑм,
Пӗр ҫулта пекех-ҫке эп санпа.
Эпӗ саншӑн – таса чунлӑ ывӑл,
Киленетӗп сан шуҫӑмупа.
Вӑрмансем те ҫырмусем сан аслӑ,
Ытарми сан вӗҫсӗр хирӳсем.
Тӳпере тӑри юрлать хавассӑн,
Йӑтӑнса ӳсеҫҫӗ тыррусем.
Сан умри ҫулна никам пӳлеймӗ, –
Паттӑр та маттур сан халӑху.
Сан вӑйна нимле тӑшман ҫӗнеймӗ, –
Шутсӑр йышлӑ санӑн пурлӑху.
Эс мана ялан, Тӑван ҫӗршывӑм,
Анне пек лӑпкатӑн юратса.
Ӗмӗр пул хӑватлӑ та эс сывӑ,
Ҫӑлтӑру сан ҫунтӑр ҫутатса!
Евстафьев, Н. Ф. Тӑван ҫӗршывӑм : [сӑвӑ] // Евстафьев, Н. Ф. Сӑвӑсемпе поэмӑсем / Н. Евстафьев. – Шупашкар, 1988. – С. 5.