Пӑхатӑп та – уй-хирӗме куратӑп:
Ыраш пусси вӑрман пек хумханать.
Ǎна эс тимлӗрех итлес пулсассӑн –
Тӑван ҫӗршыв ҫинчен вӑл юр юрлать.
Пӑхатӑп та – мӑн Атӑла куратӑп:
Мӑнаҫлӑн, ирӗклӗн юхса выртать.
Эс тӗкӗр вырӑнне унта пӑхсассӑн –
Тӑван ҫӗршывӑм сӑнӗ палӑрать.
Пӑхатӑп та – хуламӑра куратӑп:
Чунтан юратнӑ капӑр Шупашкар.
Курса ун чапӗпе эп мухтанатӑп,
Чӑваш ҫынни ытла та пит хастар!
Левтина, М. Тӑван ҫӗршыв : [сӑвӑ] / Марье Левтина // Çӗршывӑмҫӑм, Чӑваш ҫӗршывӗ = Чувашия родная : сӑвӑсем / О. М. Иванова пухса хатӗрленӗ. – Шупашкар, 2020. – С. 16.