Республика ҫинчен

Уявра уяв ку ҫӗршывра,

Ӗҫӗпе – хускатӗ вӑл тӑва!

Кам-ха, кам ҫак халӑха пӗлет:

Вӑл ҫӗр пин сӑмахпала пуплет.

Ҫӗр пин юрӑ-ҫемӗ кӗвӗлет,

Ҫӗр пин тӗслӗ тӗрӗ вӑл тӗрлет…

Пырса курӑр – йӑлт сирӗнпеле

Хатӗр эп тӗрӗслеме пӗрле.

Петӗр Хусанкай, чӑваш халах поэчӗ.

Ҫӑлкуҫ:  Хусанкай, П. Эпир пулнӑ, пур, пулатпӑр! = Были мы, и есть, и будем! : [сӑвӑ] / П. Хусанкай. – Шупашкар, 1982. – С. 272.

1920 ҫулхи ҫӗртме уйӑхӗн 24-мӗшӗнче Пӗтӗм Раҫҫейри Ӗҫ Тӑвакан Тӗп Комитет тата Халӑх Комиссарӗсен Совечӗ Автономилле Чӑваш облаҫӗ тӑвасси ҫинчен йышӑннӑ декретпа килӗшӳллӗн Чӑваш автономи облаҫне йӗркеленӗ.

1925 ҫулхи ака уйӑхӗн 21-мӗшӗнче Пӗтӗм Раҫҫейри Ӗҫ Тӑвакан Тӗп Комитет хӑйӗн ларӑвӗнче Чӑваш автономи облаҫне  Автономиллӗ Социализмлӑ Чӑваш Совет Республики тӑвасси ҫинчен постановлени йышӑннӑ.

Пӗтӗм Раҫҫейри. Ӗҫ тӑвакан Тӗп Комитетпа Халӑх Комиссарӗсен Канашӗ. Автономилле Чӑваш облаҫӗ тӑвасси ҫинчен йышӑннӑ Постановлени // Ана. – 1920. – № 5-7 (ҫу/утӑ). – С. 3.

Клементьев, В. Н. Чӑваш автономийӗн пӗрремӗш утӑмӗсем : [Чӑваш патшалӑх гуманитари ӑслӑлӑхӗсен институчӗн ертсе пыракан наука сотрудникӗпе Владимир Клементьевпа калаҫни / Юрий Михайлов ҫырса илнӗ] // Хыпар. – 2019. – 18 ҫӗртме/июнь (№ 66). – С. 2.

Клементьев, В. Н. Вӑхӑт ҫитнӗ те — чӗлхемӗр алӑкӗсене уҫнӑ : [Чӑваш автономи облаҫне йӗркелени ҫинчен Чӑваш патшалӑх гуманитари ӑслӑлӑхӗсен институчӗн ертсе пыракан сотрудникӗпе Владимир Клементьевпа калаҫни / Юрий Михайлов ҫырса илнӗ] // Хыпар. – 2020. – 9 ҫӗртме/июнь (№ 62). – С. 3 : сӑн ӳкерчӗк. – (Вместе=Пӗрле).

1990 ҫулхи октябрӗн 24-мӗшӗшӗнче Чӑваш ССР Верховнӑй Совечӗ «Чӑваш Социализмлӑ Совет Республикин государство сувернитечӗ ҫинчен калакан Деклараци» йышӑнать. «Малашне государствӑн официаллӑ ячӗ вырӑнне Чӑваш Советлӑ Социализмлӑ Республики ятпа  – Чӑвашъен Республики ятпа усӑ курас» тесе палӑртнӑ.

Чӑваш Социализмлӑ Совет Республикин государство сувернитечӗ ҫинчен калакан Деклараци : Шупашкар хули, 1990 ҫулхи октябрӗн 24-мӗшӗ / Чӑваш ССР Верховнӑй Совечӗн Председателӗ А. Леонтьев // Коммунизм ялавӗ. – 1990. – 25 октябрь. – С. 1.

1992 ҫулхи февралӗн 13-мӗшӗнче Чӑваш Республикин Аслӑ Совечӗ «Чӑваш Социализмлӑ Совет Республикин ятне улӑштарасси ҫинчен» саккуна йышӑннӑ. Унпа килӗшӳллӗн малашне Чӑваш ССРне «Чӑваш Республики – Чувашская Республика» ятпа официаллӑ актсенче тата ытти документсенче, патшалӑх символӗсен тексчӗсене ҫырнӑ чухне, ҫавӑн пекех патшалӑх органӗсен, предприятисен, учрежденисемпе организацисен ячӗсенче» усӑ курма йышӑннӑ. Апрелӗн 21-мӗшӗнче Раҫҫей халӑх депутачӗсен Съезчӗ республика Конституцине – Чӑваш Республикин Конституцине ҫӗнӗ ят кӗртнӗ.

Конституция (Основной Закон) Чувашской Республики : с изменениями и дополнениями, внесенными Законами Чувашской Республики от 3 ноября 1989 г., от 29 августа 1991 г., от 23 октября 1991 г., от 15 февраля 1992 г., от 29 апреля 1992 г., от 24 ноября 1993 г. – Чебоксары, 1993. – 46 с.

Социализмлӑ строительство ӗҫӗнче пысӑк ҫитӗнӳсем тунӑшӑн Чӑваш АССРне 1935 ҫулхи июнӗн 27-мӗшӗнче Ленин орденӗпе наградӑланӑ.

Ҫӑлкуҫ:

Орденлӑ крайри Орденлӑ республикӑ // Канаш. – 1935. – 5 июль  (№ 152). – С. 1.

Коммунизм строительствинче тунӑ ҫитӗнӳсемшӗн тата Чӑваш АССРне туса хунӑранпа 50 ҫул ҫитнӗ май 1970-мӗш ҫулхи июнӗн 22-мӗшӗнче Чӑваш Автономиллӗ Советлӑ Социализмлӑ Республикине Октябрьти Революци орденӗпе наградӑланӑ.

Ҫӑлкуҫ:

Чӑваш Автономиллӗ Советлӑ Социализмлӑ Республикине Октябрьти Революци орденӗпе наградӑласси ҫинчен: СССР Верховнӑй Совет Президиумӗн Указӗ // Коммунизм ялавӗ. – 1970. – 24 июнь. – С. 1.

Социализмлӑ экономикӑпа культурӑна аталантарас ӗҫре тава тивӗҫлӗ ӗҫсем тунӑшӑн Чӑваш АССРне 1967 ҫулхи октябрӗн 13-мӗшӗнче Чӑваш АССРӗн Верховнӑй Совет Президиумӗн, СССР Министрӗсен Канашӗн тата Пӗтӗм Союзри Професси Союзӗсен Тӗп Канашӗн Асӑну ялавӗпе наградӑланӑ.

Тӗплӗнрех:

Памятное знамя ЦК КПСС, Президиума Верховного Совета, Совета Министров СССР и ВЦСПС

1970 ҫулхи социализмла ӑмӑрту  итогӗсем тӑрӑх, Чӑваш республики ялхуҫалӑх ҫулне ӑнӑҫлӑ вӗҫлесе Атӑл-Вятка зонинче мала тухнӑшӑн ӑна СССР Министрӗсен Совечӗпе ВЦСПСӑн куҫса ҫӳрекен Хӗрлӗ Ялавне панӑ.

Ҫӑлкуҫ:
Награда хавхалантарать, малтан мала чӗнет: Чӑваш республикине СССР Министрӗсен Совечӗпе ВЦСПСӑн куҫса ҫӳрекен Хӗрлӗ Ялавне панӑ // Коммунизм ялавӗ. – 1971. – 17 апрель. – С. 1.

1974 ҫулхи кӑрлачӑн 29-мӗшӗнче Чӑваш АССРне Халӑхсен Туслӑхӗн орденне панӑ.
«Республика ялавӗ ҫинче Ленин орденӗпе тата Октябрьти революци орденӗпе юнашар, виҫҫӗмӗш орден – Халӑхсен Туслӑхӗн орденӗ ялкӑшма тытӑннӑ. <…> Ҫак орденпа республикӑна Чӑваш АССРӗнчи ӗҫҫыннисем совет халӑхӗсен тӑванла туслӑхне, вӗсем пӗр-пӗринпе килӗштерсе ӗҫленине ҫирӗплетес тӗлӗшпе тава тивӗҫлӗ пысӑк ӗҫсем тунӑшӑн, экономикӑри, социаллӑ пурнӑҫпа политика тата культура строительствинчи пысӑк ҫитӗнӳсемшӗн тата Социализмла Совет Республикисен Союзӗ 50 ҫул тултарнине паллӑ тунӑ май наградӑланӑ».

Ҫӑлкуҫ:

Пӗр ҫемьере – пӗр тӗллевпе : КПСС обкомӗнче Чӑваш АССР Верховнӑй Совечӗн пӗрлехи савӑнӑҫлӑ ларӑвӗ / Г. Зиньков фотоӳкерчӗкӗ // Коммунизм ялавӗ. – 1974. – 30 январь. – С. 1, 4.

2008 ҫулхи майӑн 29-мӗшӗнче Чӑваш Республики Аслӑ Петӗр орденне тивӗҫнӗ.

«Раҫҫей мухтавӗпе чысне ҫӗклеме пулӑшнӑшӑн тава тивӗҫлӗ пысӑк ӗҫсемшӗн Чӑваш Республики Аслӑ Петӗр орденне тивӗҫнӗ. <…> Наградӑна ҫӗртме уйӑхӗн 250-мӗшӗнче иртнӗ «Управлени. Экономика. Аталану» экономика форуменче Чӑваш ен президентне Николай Федорова Раҫҫей промышленникӗсепе предпринимательсен союзӗн президенчӗ Адександр Шохин панӑ.

Аслӑ Петер орденне Ҫӗнӗ самана менеджерӗсен пӗрлӗхӗ Раҫҫей Федерацийӗн аслӑ общество награди вырӑнне туса хунӑ».

Ҫӑлкуҫ:

Чӑваш ене – награда // Хыпар. – 2008. – 24 июнь, С. 1.