XX ӗмӗрте чӑваш халӑх культуринче професси шайӗнчи ӳнер пултарулӑхӗ литературӑпа, театрпа тата музыкӑпа пӗрлех хастар аталаннӑ. Чӑваш Енре професси шайӗнчи ӳнер искусстви ҫуралнӑранпах халӑхӑн иртнӗ кун-ҫулӗ хӑйне евӗр академипе реализм меслечӗпе калӑпланӑ истори картинисенче сӑнланнӑ, ку – социализм тапхӑрӗнчи пӗтӗм ӳнершӗн паллӑ меслет. Нумай кӳлепеллӗ композицисем ытларах вӑл е ку пулӑмсене тӗрӗслӗх енчен сӑнарласа кӑтартнӑ.
Чӑваш Енре ӳнер искусствин йӑли-йӗркине тахҫантанпах тытса пыраҫҫӗ. Тӗнчипе палӑрнӑ пир тӗррисем тата йывӑҫран касса кӑларнӑ ӳнер ӗҫӗсем Раҫҫей патшалӑх управӗсенче XVIII ӗмӗртех тивӗҫлӗ вырӑн йышӑннӑ. Чапа тухнисенчен – П. Е. Егоров, архитектор тата сӑрӑҫӑ, Питӗрти Ҫуллахи сад картин авторӗ; А. С. Пушкинпа, К. П. Брюлловпа тата декабристсемпе туслӑ пулнӑ Н. Я. Бичурин, ученӑй тата ӳнерҫӗ. Професси пӗлӗвне чӑваш ӑстисем Питӗр, Мускав, Харьков, Киев, Саратов, Пенза, Хусан, Арзамас тата ют ҫӗршыв ӳнер вӗренӳ заведенийӗсенче туптанӑ.
Ӳнерҫӗсен наци ушкӑнӗ Чӑваш автономине тунипе пӗр вӑхӑтрах йӗркеленнӗ. 1920 ҫулхи ҫӗртме уйӑхӗнче Чӑваш автономи облаҫне туса хуни пултарулӑх ҫыннисене пӗрлештерес ӗҫе пуҫарса яма май панӑ. Хусан ӳнер шкулӗнчен вӗренсе тухнӑ М. С. Спиридонов, Н. К. Сверчков, В. Д. Воронов, И. С. Максимов-Кошкинский, Г. С. Спиридонов, Ф. Л. Лаврентьев, А. Н. Каменьщиков, К. М. Васильев, И. В. Ведянин, Мускаври Строганов училищине пӗтернӗ Ф. С. Быков – професси шайӗнчи пӗрремӗш чӑваш ӳнерҫисем. Вӗсем чӑваш халӑх ӳнерне йӗркелес, аталантарас ӗҫе хастар хутшӑннӑ.
1933 ҫулхи нарӑс уйӑхӗн 24-мӗшӗнче Чӑваш енре ӳнерҫӗсен пӗрлешӗвне туса хунӑ. Вӑл республикӑра сӑрӑ ӗҫӗн наци шкулне йӗркелес ӗҫре тӗп вырӑн йышӑннӑ.
Ургалкина, Нинель Александровна. Становление социалистического реализма в чувашском изобразительном искусстве. (1917-1941г.г.) : [ Электронный ресурс] : автореферат диссертации на соискание ученой степени кандидата искусствоведения : специальность (17.00.04) – Изобразительное искусство / Ургалкина Нинель Александровна ; [офиц. оппоненты Б. В. Веймарн, И. А. Маркелов]. – Чебоксары, 2008. – С. 5-6.
Ржанов, В. Чӑваш халӑх искусстви // Ялав. – 1947. – 9 № – С. 23-25.
1941-1945 ҫулсенче чӑваш куравӗсен экспозицийӗсенче ытларах Шупашкарта пурӑнакан Мускав ӳнерҫисен станок графикипе ӑсталанӑ ӗҫӗсем пулнӑ. Вӑрҫӑ хыҫҫӑнхи вунӑ ҫуллӑхра ҫӗнӗ ятсемпе, ҫӗнӗ тематикӑпа, ҫӗнӗ техникӑсемпе кӑна мар, ҫӗнӗ ӳнер пахалӑхӗсемпе те палӑрса тӑракан пачах ҫӗнӗ тапхӑр пуҫланнӑ. Пӗтӗмӗшле илсен, ҫак тапхӑрта аслӑ ӑрури реализм мелӗпе ӗҫлекен М. С. Спиридонов, Н. К Сверчков, Н. А. Каменьщиков ӳнерҫӗсен ӗҫӗсем пулнӑ.
Искусствоведение : [сборник статей] / ред. В. А. Прохорова ; Научно-исследовательский институт при Совете Министров Чувашской АССР. – Чебоксары, 1970. – 174, [2] с. : ил, ноты, орн. – (Ученые записки / Науч.-исслед. ин-т при Совете Министров Чуваш. АССР ; вып. 50).
Викторов, Юрий Васильевич. Чувашская станковая живопись XX века. Основные этапы и итоги развития : доклад на научной сессии Чувашского государственного института гуманитарных наук по итогам работы за 2014 год / Ю. В. Викторов. – Чебоксары : ЧГИГН, 2015. – 43 с.
Чӑваш Енӗн хальхи ӳнерӗпе пултаруллӑ сӑрӑҫӑсем, графиксем, скульпторсем, сценографсем, ювелирсем тата нумай ӳнер ӑстисем хӑйсен сумлӑ ӗҫӗсем урлӑ паллаштараҫҫӗ. Вӗсенчен нумайӑшӗ Мускаври, Питӗрти тата Харьковри аслӑ шкулсенче вӗренсе академи ӳнер пӗлӗвне илнӗ. И. Я. Яковлев ячӗллӗ Чӑваш патшалӑх педагогика университечӗн ӳнерпе графика факультетӗнчен тата Шупашкарти ӳнер училищинчен вӗренсе тухнисенчен чылайӑшӗ ятлӑ-сумлӑ ӳнер ӑстисем пулса тӑнӑ. Халӗ ӳнер ӑстисенчен кашни ӑру ҫынни «Анлӑ Атӑл» регион куравӗсенче, Раҫҫейри пысӑк ӳнер хаклавӗсенче, пӗтӗм тӗнчери сумлӑ куравсенче тата ытти ҫӗрте хутшӑнса республикӑн професси шайӗнчи ӳнер искусствине тивӗҫлӗ кӑтартаҫҫӗ.
Мастера изобразительного искусства : [очерки] / сост., науч. ред. и предисл. Ю. В. Викторова]. – Чебоксары, 2011. – С. 5-6.
Чувашское искусство : вопросы теории и истории : [сборник статей] / Чуваш. гос. ин-т гуманитар. наук. – Чебоксары : ЧГИГН, 1994 – Вып. 4. – 2001. – С. 93.