Чи паха ҫимӗҫсенчен пӗри пулнӑ. Ӑна така пуссан хатӗрленӗ. Хырӑмлӑха лайӑх ҫуса тасатнӑ та унта шӑмӑсӑр аш тултарнӑ, тӑвар сапнӑ. Ҫакӑн хыҫҫӑн ҫирӗп ҫиппе ҫӗленӗ те ҫатма ҫине хурса 3-4 кунлӑха кӑмакана лартнӑ. Ҫӑвӗ ирӗлсе юхса тухнӑ, ашӗ пиҫсе типнӗ, шӑрттанӗ вара малтанхипе танлаштарсан темиҫе хут пӗчӗкленнӗ. Шӑрттан темиҫе уйӑх, хӑш чухне вара темиҫе ҫул та упранма пултарнӑ, пӑсӑлман. Ҫак ҫимӗҫ питӗ тутлӑ тата техӗмлӗ пулнӑ. Ӗлӗк шӑрттана инҫе ҫула тата вӑрҫӑ хирне каякансене чиксе парса янӑ.